Махсус операциядән ялга кайткан хәрби Әлмәттә тавыш бирде

Махсус хәрби операция зонасыннан ялга кайткан хәрби хезмәткәр Сергей Әлмәттә Россия Президентын сайлауда катнашты. Махсус операциядә катнашучы хәрби белдергәнчә, ил өчен катлаулы көннәрдә үз гражданлык позициясен күрсәтү һәм читтә калмау бик мөһим.

«Минем өчен тавыш бирүдә катнашу принципиаль позиция. Мине илемнең киләчәге борчый, мин аның алга таба үсешенә битараф түгел. Бүген мин сайлау участогына килдем һәм аңлы рәвештә тавыш бирдем», - диде хәрби.

«Тавыш бирү бик кирәк, өстәвенә, хәзерге вакытта безнең дәүләтнең язмышы хәл ителә. Яшь буынны иренмәскә, сайлауга барып, тавыш бирергә чакырам. Сайлауның нәтиҗәсе аларның тавыш бирүенә бәйле», - дип белдерде ул.

• 15 мартта Татарстанда 65 территориаль һәм 2722 участок сайлау комиссиясе эшли башлады, шулай ук хастаханә, шифаханә, тикшерү изоляторы, вокзал һәм аэропортта вакытлыча 45 сайлау участогы ачылды.
• 3 миллионга якын татарстанлы сайлау хокукына ия. Алар 15, 16 һәм 17 мартта 8.00-20.00 сәгатьләрдә тавыш бирә ала. Сайлау уздыруны сайлау комиссияләренең 22 мең әгъзасы тәэмин итә. Сайлау участокларында 16 меңнән артык күзәтүче эшли, шул исәптән чит ил күзәтүчеләре дә бар.
• Россия Федерациясе Президентын сайлау 8нче тапкыр үткәрелә, быел ул 15, 16 һәм 17 мартта уза. Сайлауда 4 кандидат - Владислав Даванков («Яңа кешеләр» партиясеннән), Леонид Слуцкий (ЛДПР партиясеннән), Николай Харитонов (КПРФ партиясеннән) һәм Россиянең хәзерге Президенты Владимир Путин (үзен-үзе тәкъдим итүче) катнаша.