Саба районы Явлаштау авылы зиратында зур өмә оештырылды
Бүген Саба районы Явлаштау авылы зиратында зур өмә оештырылды. Изге эшкә бик күп кеше үз өлешен кертте. Бу хакта http://saby-rt.ru/ сайтында хәбәр ителә.
Ир-атлар чардуганнарны тәртипкә китерде, зираттагы чүпләрне җыйды, корыган үләннәрдән арындырды. Бу зиратта күбесенең якыннары, туганнары җирләнгән. Саваплы эштән соң һәркем күңелендә канәгатьлек хисе кичерде, мәрхүмнәрнең рухлары шатлансын дип теләде.
«Эш төгәлләнгәч, авылдашлар табигать кочагында бергәләшәп самавырдан чәй эчеп, бәлеш белән сыйланды», диелгән хәбәрдә.
Т