Васил Шәйзразыев: Былтыр яндык, быел батабыз
«Казан Экспо» халыкара күргәзмә үзәгендә «Милли тормыш һәм дин» XIV Бөтенроссия татар дин әһелләре форумының пленар утырышы башланды. Форум делегатларын Бөтендөнья татар конгрессының Милли шура рәисе Васил Шәйхразыев пленар утырышны ачты.
«Дини бәйрәмнәр, Сабантуйлар халкыбызны берләштерә. Аллаһы Тәгалә тарафыннан бирелгән сынаулар, афәтләр, кайгылар да бердәмлекне ныгыту, ярдәмләшү, бер-беребезгә терәк булу хисләрен арттыра. Былтыр янган булсак, быел инде батабыз. Апрель аенда Омск өлкәсенең Орск шәһәрен су басты. Май аенда Омск өлкәсендәге борынгы татар авылларын да су баса башлады. Бөтендөнья татар конгрессы, барлык милләттәшләргә мөрәҗәгать итеп, зыян күрүчеләргә оператив рәвештә ярдәм күрсәтү эшләрен оештырып җибәрде», – диде ул.
Ул афәт килгән өлкәгә милләттәшләр күрсәткән ярдәмне ассызыклады. Самара, Башкортстан, Төмән, Пермь, Чувашиядәге милләттәшләр ярдәм җибәрүен әйтте. «Ярдәмегез өчен рәхмәт. Без ярдәм күрсәтүне дәвам итәбез», – диде ул.
Ул имамнарның махсус хәрби операциядә катнашуларвн ассызыклалы. «Безнең егетләребез юлбарыслар кебек көрәшә», – диде ул.
Утырышта Татарстан Республикасы Рәисе Рөстәм Миңнеханов катнаша. Форумда Россиянең 77 төбәгеннән барлыгы 1016 дин әһеле катнаша. Делегатлар иртәгә Изге Болгар җыенына бара.