Татарстан синоптиклары томан кичкә кадәр саклану турында кисәтә
Бүген, 13 мартта, Татарстанда һава торышы шартлары начараю көтелә. Бу хакта ТР Гидрометеорология үзәге хәбәр итә.
Көндез һәм кич республикада урыны белән (шул исәптән Казанда) элегрәк төшкән томан саклана.
«Татар-информ» хәбәр иткәнчә, атмосфера фронты йогынтысы сәбәпле, пәнҗешәмбе бөтен төбәктә яңгыр көтелә. Һава температурасы +3..+8 градус җылы була.
Татарстанның Буа районында су күтәрелү сәбәпле Зөя елгасы аша ике күперне яптылар. Казанның Совет районында трамвай чыбыкларына яңгыр зыян иткәннән соң трамвайлар вакытлыча туктап калды.