Путин белән Трамп очрашуы 15 августта Аляскада узачак
АКШ Президенты Дональд Трампның Россия Президенты Владимир Путин белән очрашуы 15 августта Аляска штатында узачак. Бу хакта Америка лидеры хәбәр итте, дип яза «Известия».
Трамп билгеләп үткәнчә, сөйләшүләр киләсе җомгада узачак, ә нечкәлекләре соңрак хәбәр ителәчәк.
Элегрәк Россия Президенты ярдәмчесе Юрий Ушаков Россия белән АКШ арасындагы очрашуның киләсе атнага килештерелүе турында хәбәр иткән иде. Владимир Путин Дональд Трамп белән сөйләшүләргә әзерлек баруын раслады.