Юрист подъездда шәхси әйберләрне саклаган өчен штраф турында искәртте

Шәхси әйберләрне күпфатирлы йорт подъездында саклаган өчен ике меңнән өч мең сумга кадәр штраф салырга мөмкиннәр. Бу хакта «NEWS.ru» белән интервьюда юрист Михаил Салкин белдергән.

«Подъездда шәхси әйберләрне саклаган өчен штраф салынырга мөмкин, чөнки ул йортның гомуми милке һәм эвакуация юлы булып тора, шуңа күрә анда әйберләр тутыру тыела», – дип билгеләде Салкин.

Ул өстәп әйткәнчә, моның өчен штраф ике меңнән өч мең сумга кадәр тәшкил итә. Юрист ассызыклаганча, подъездга әйберләр кую күршеләр белән генә түгел, ә формаль рәвештә йорттагы барлык фатирларның милекчеләре белән дә килештерелергә тиеш.