Иртәгә Татарстан Республикасы башкаласында авыл хуҗалыгы ярминкәләре үтә
Иртәгә Татарстан Республикасы башкаласында гадәти авыл хуҗалыгы ярминкәләре үткәрелә. Шәһәр халкы яшелчә, ит ризыкларын, сөт продукциясен, хуҗалык өчен кирәк-яракны ваклап сату бәясенә караганда 15 процентка арзанракка сатып алачак.
Ярминкә иртәнге сәгать 6:00 дан көндезге 13:00 гә кадәр үткәрелә, дип хәбәр итә Казан мэриясе матбугат хезмәте.
Исегезгә төшерәбез: бу елны оештырылган язгы ярминкәләрдә шәһәр халкы 72 тонна бәрәңге, 143 тонна яшелчә, 12,6 мең литр сөт сатып алган.