Түбән Камада универсаль спорт мәйданчыгы ачылды

Түбән Камада 8 нче мәктәп территориясендә күптән көтелгән универсаль спорт мәйданчыгы ачылды. Ул барлык теләүчеләр өчен дә ачык. Бу хакта https://tat.e-nkama.ru/ сайтында хәбәр ителә.

Мәйданчык «Спорт — тормыш нормасы» федераль программасы буенча төзелгән. Ул баскетбол һәм волейбол белән шөгыльләнү өчен җиһазландырылган. Моннан тыш, муниципалитет спорт зонасы тирәсендәге территорияне төзекләндерде.