Россия көллиятләре ясалма фәһем буенча белгечләр әзерли башлады
Россия көллиятләре 2025 елда ясалма фәһем буенча белгечләр әзерли башлады. Бу хакта РФ мәгариф министрының беренче урынбасары Александр Бугаев Түбән Новгородта Бөтендөнья яшьләр фестивале слеты кысаларында хәбәр итте, дип яза РИА Новости.
«Быел безнең көллияттә ясалма фәһем алгоритмнары белән эшли, без теләгән нәтиҗәне алу өчен аларга тиешле бурычлар куя беләчәк кешеләрне әзерли торган һөнәр барлыкка килде», – дип билгеләде Бугаев.
Аның сүзләренчә, заманча предприятиеләрне ясалма фәһем технологияләреннән башка күз алдына китереп булмый.