Татарстанда кичә кич «пилотсыз очкыч һөҗүм итү куркынычы» режимы игълан ителде
Татарстан территориясендә кичә кич «пилотсыз очкыч һөҗүм итү куркынычы» режимын игълан иттеләр. Мәгълүмат Гадәттән тыш хәлләр министрлыгының мобиль кушымтасында чыкты.
«Игътибар! Татарстан Республикасы территориясендә «пилотсыз очкыч һөҗүм итү куркынычы» режимы игълан ителде», - диелә ведомство белдерүендә.
«Пилотсыз куркыныч» режимы республикада соңгы тапкыр 20 сентябрьдә кертелгән иде. Ул алты сәгатьтән аз гына артыграк гамәлдә булды.