Өлкәннәр көнендә Лениногорскида 100 яшьтән узган ветераннарны котладылар

Лениногорск районында 100 яшьтән узган сигез кеше яши. 1 октябрьдә - Халыкара өлкәннәр көнендә аларның һәрберсен котлап, Татарстан Рәисе исеменнән азык-төлек тупланмалары бүләк иттеләр. Бу хакта «Заман сулышы» сайтында Розалия Мостафина яза.

Шөгер авыл җирлегендә – Әкълимә Кашапова, Түбән Чыршылыда – Гасимә Әүхадиева, Сугышлыда – Тәскирә Сәфәргалиева, Урмышлыда – Махирә Вәлиева, Лениногорскида – Халидә Әхмәтҗанова, Ульяна Григорьева, Нина Казакова, Клавдия Карташова өлкәннәр көнендә котлаулар кабул итте.

Алар янына администрация вәкилләре, авыл җирлеге башлыклары килеп, котладылар.