Россия мәктәпләрендә Укытучылар көне уңаеннан алар турында җырлар яңгыраячак

«Кыңгырау тавышы урынына көйләр» Бөтенроссия проектының яңа блогы Россия мәктәпләрендә октябрьдә башлана. Ай дәвамында укучылар күнегелгән кыңгырау тавышы урынына Россиянең заманча авторларының популяр композицияләрен ишетәчәкләр, шул ук вакытта Укытучылар көненә һәм көзге музыкаль вакыйгаларга аерым игътибар биреләчәк. Бу хакта Россия Мәгариф министрлыгы матбугат хезмәте хәбәр итә.

Октябрь программасына «Учитель» (Денис Майданов), «Музыка дождя» һәм «Первый учитель» (Анна Петряшева), «Мы команда» (Ольга Сердцева сүзләре, Екатерина Рогова музыкасы), «Песня про профессии» (Станислав Минаков, Григорий Гладков музыкасы), «Улыбайся» (Станислав Минаков, Илья Шацкий) һәм «Честное слово» (Наталия Осошник) кергән.

Проектның тематикасы укытучыларга хөрмәт йөзеннән сайланды, бу аларга рәхмәт белдерергә мөмкинлек бирә.

Октябрь блогы шулай ук Халыкара музыка көненә (1 октябрь) һәм Бөтендөнья аудиовизуаль мирас көненә (27 октябрь) багышланган. Музыкаль композицияләр мәктәптә җылы атмосфера тудырырга ярдәм итә, игътибарны туплый һәм уңышлы уку көненә көйли.

Проект Россия Федерациясе Мәгариф министрлыгы ярдәмендә «Прогресс» балаларны һәрьяклап үстерү үзәге тарафыннан гамәлгә ашырыла.