Казанның Себер трактында трамвай белән күмәк юл-транспорт һәлакәте сәбәбе билгеле
Бүген Казанда Себер трактында трамвай һәм җиде җиңел машина катнашында юл-транспорт һәлакәте булган.
«Татар-информ»га Казан Дәүләт автоинспекциясендә сөйләүләренчә, трамвай йөртүчесе, якынча мәгълүматлар буенча, светофорның кызыл төсенә хәрәкәт иткән.
Бәхеткә, зыян күрүчеләр булмаган. Юл-транспорт һәлакәте килеп чыгу нечкәлекләре ачыклана.
Искәртик, юл-транспорт һәлакәте сәбәпле, юлның бу участогында 4 нче номерлы трамвай маршруты хәрәкәте туктатылды.