Антициклон Татарстанга салкын төннәр һәм аяз көннәр алып килә

Татарстан Республикасы үзәге Санкт-Петербург өстендә булган киң антициклон тәэсирендә кала, ул коры һәм чагыштырмача салкын һава торышын формалаштыра. Бу хакта ТР Гидрометеорология үзәге хәбәр итә.

Соңгы тәүлекләрдә явым-төшем булмады, һава температурасы көндез +12..+17 градуска кадәр күтәрелде, ә төнлә +4.. -4 градуска кадәр төште. Кайбер районнарда томан күзәтелде. Бүген, 2 октябрьдә, көндез һава +9..+ 14 градуска кадәр җылынды. Синоптиклар мәгълүматлары буенча, якындагы өч көндә һава торышы сизелерлек үзгәрмәячәк.

3 октябрьдә республика антициклон үзәгендә булачак: төнлә термометр баганасы +2...-3 градуска кадәр төшәчәк, көндез +11..+16 градус кадәр җылыначак. Төнлә һәм иртәнге сәгатьләрдә томан булуы ихтимал.

4 һәм 5 октябрьдә явым-төшем көтелми: минималь температура 0..+5 градус, көндезге температура +11..+ 17 градус булачак.

Татарстан Гидрометеорология үзәге фаразлавынча, киләсе атна башында атмосфера фронты якынаю сәбәпле урыны белән бераз яңгыр явуы ихтимал. Төнлә +2...+7, көндез +10..+ 15 градус көтелә.