Айдар Метшин: Үз исемеңә кредит алуны тыю аферистлардан саклануның нәтиҗәле алымы булды

Киберһөҗүмнәрнең төрләре торган саен бара, һәм Дәүләт Думасында аларга закон дәрәҗәсендә җавап кайтаруны дәвам итәчәкләр. Дәүләт Думасы депутаты Айдар Метшин «Татар-информ» агентлыгына биргән интервьюсында шулай дип белдерде.

«Беренче чиратта, өлкән яшьтәге кешеләр газап чигә, чөнки алар һәрвакыт ачык һәм бөтен нәрсәгә ышаналар. Мошенниклар хәтта махсус хәрби операциядә катнашучыларның акчасын үзләштерүдән дә кыенсынмый. Без моны эшләргә мөмкинлек бирми торган чикләүләр керттек. Гомумән алганда, зур эш башкарылды, әмма без әлеге заманча җинаять төрен чикли торган барлык шартларны да тудырырга бурычлы», – диде ул.

Метшин билгеләп үткәнчә, депутатлар хокук саклау органнары белән берлектә киберҗинаятьләргә каршы торырга өйрәнә.

«Бу вазгыятьне җайга салу, киеренкелекне бетерү өчен закон нигезендә шартлар тудырабыз», - дип искәртте ул.

Парламентарий сим-карталарны өченче затларга тапшыруны тыюны мисал итеп китерде. «Бернәрсәсе дә юк кебек тоелса да, чын башкаручыны билгеләү мөмкин булмау аркасында кылынган җинаятьләр бик күп», - диде ул.

Метшин сүзләренчә, үз исемеңә кредит алуын тыю дистанцион аферистлардан саклануның нәтиҗәле алымы булды.