Казан-Әлмәт трассасының түләүле участогындагы массакүләм авариядә дүрт кеше үлгән
Татарстанның Чистай районында массакүләм юл-транспорт һәлакәте булган. Иртәнге сәгать ун тирәсендә анда унлап автомобиль, шул исәптән зур йөк машиналары бәрелешкән.
Авария Казан – Әлмәт трассасының түләүле участогында (Шәле-Баулы юлының 27 нче километрында) килеп чыккан. Бу юл-транспорт һәлакәтендә дүрт кеше һәлак булган, зыян күрүчеләр бар.
ТР Прокуратурасы мәгълүматы буенча, юлның бу участогында кар җыю өчен «СМП-Нефтегаз» АҖ җаваплы.