Чистайда сүндерелмәгән тәмәке төпчеге ике катлы йортта янгын чыгуга сәбәпче булган
Чистайда янгын сүндерүчеләр 72 яшьлек ир‑атны коткарган. Янгын Студентлар урамындагы 17нче йортта, ике катлы күп фатирлы йортның беренче катындагы фатирда чыккан.
Россия Гадәттән тыш хәлләр министрлыгының ТР буенча Баш идарәсендә хәбәр итүләренчә, урынга килгән янгын сүндерүчеләр махсус битлек ярдәмендә фатир хуҗасын урамга алып чыккан. Ир-атка медицина ярдәме кирәк булмаган.
Янгынның мәйданы бер квадрат метр чамасы тәшкил иткән. Ут сүндерелмәгән тәмәке төпчегеннән чыккан.