Әлмәттә фатирда бикләнеп калган 89 яшьлек әбине коткарган
Әлмәттә фатирда бикләнеп калган һәм туганнары белән элемтәгә чыкмаган өлкән яшьтәге хатын-кызны коткарганнар.
Ачыкланганча, 89 яшьлек әби шалтыратуларга җавап бирми башлаган, ә аның Девонская урамындагы фатирының ишеге эчтән бикле булган. Кан басымы белән проблемалары булуын белгән туганнары аның элемтәгә чыкмавына борчылып, коткаручыларны чакырткан. Коткаручылар, полиция соравы буенча, ишекне ачкан.
Коткаручылар, полицейскийлар һәм туганнары фатирга кергәч, идәндә яткан хатын-кызны күргән, бәхеткә, ул исән булган, диелә хәбәрдә.