АКШта көчле кар аркасында 50 дән артык кеше һәлак булган
АКШта көчле кар яву аркасында һәлак булучылар саны 51 кешегә җиткән. Бу хакта NBC News телеканалы хәбәр итә. Элегрәк хакимият 42 һәлак булучы турында хәбәр иткән иде, әмма мәгълүматлар яңартылуын дәвам итә.
Һәлакәт корбаннары Арканзас, Канзас, Луизиана, Массачусетс, Миссисипи, Нью‑Джерси, Огайо, Пенсильвания, Теннесси һәм Техаста теркәлгән. Нью-Йоркта урамнарда 10 кеше туңып үлгән.
ТАСС хәбәр иткәнчә, һава торышы үзгәрешләре илнең 200 миллионнан артык кешесенә кагылган. Кайбер районнарда кар катламының калынлыгы 50 сантиметрдан артып киткән. Узган атна ахырыннан АКШта дистәләгән мең авиарейслар гамәлдән чыгарылган.
500 меңгә якын кулланучы электр энергиясез кала, аларның күбесе Теннесси һәм Миссисипи штатларында яши.