Татарстан Милли китапханәсе Муса Җәлил юбилеена экспозиция тәкъдим итте
15 февральдә татар шагыйре, журналист һәм хәрби хәбәрче Муса Җәлилнең тууына 120 ел тула. Юбилейга ТР Милли китапханәсенең классик уку залында татар һәм туган якны өйрәнү әдәбияты бүлеге хезмәткәрләре «Муса Җәлил: иҗат һәм батырлык» дигән китап экспозициясен әзерләделәр, дип хәбәр итә китапханәнең матбугат хезмәте.
Күргәзмәдә шагыйрьнең татар, рус һәм башка телләрдәге әсәрләре, шулай ук аның тормышы, язмышы һәм әдәби мирасы турында сөйләүче басмалар һәм материаллар тәкъдим ителгән.