Акатьева һәм Каспранов «Ледниковый период»та «Туган як» җырына чыгыш ясады

Фигуралы шуучы Софья Акатьева һәм актер Артур Каспранов «Ледниковый период» шоуында Вәсилә Фәттахова башкаруында «Туган як» җырына чыгыш ясады. Татарча номерның видеосы Беренче канал сайтында чыккан.

Шоуны алып баручы Алинә Заһитова «Ледниковый период» тарихында татар темасына номер булмавы турында әйткән иде, Артур Каспранов анарда мондый чыгыш әзерләү идеясе тууын әйтте.

«Мин татар җырына [номер] ясау шәп булыр дип уйладым», – ди артист.

Аннары Каспранов һәм Акатьева Заһитовага, Башкортстаннан килгән тренерларга һәм судьяларга чәкчәк бүләк итте (Акатьеваның әнисе – Уфадан татар кызы – иск. Т-И).