Татарстанлыларга мирас алу тәртибе турында сөйләделәр

Кеше үлгәннән соң аның туганнары мирас алуга дәгъва итә ала. Мирас алганда кемнәр өстенлекле хокукка ия, һәм нинди объектлар мирас дип санала ала – «Татар-информ» материалында.

Мираска нәрсәләр керә:

• матди әйберләр (шәхси файдалану әйберләре);
• акча һәм кыйммәтле кәгазьләр;
• күчемсез милек;
• транспорт;
• милек хокукы.

Мираска шулай ук мәрхүмнең йөкләмәләре дә керә. Мәсәлән, мирас итеп фатир, автомобиль яки акча алучы мәрхүм туганының бурычларын да үзенә ала. Активларны гына алып, йөкләмәләрдән баш тартырга ярамый: бары тик мирастан тулысынча баш тартырга гына рөхсәт ителә.

Мираска нәрсәләр керми:

• үлгән кешенең үзе белән тыгыз бәйле булган хокуклары һәм бурычлары (мәсәлән, алимент түләү кебек йөкләмәләре);
• мөлкәти булмаган шәхси хокуклар.

Мирас нинди чиратта бирелә:

• беренче чират – үлгән кешенең балалары, ире яки хатыны, шулай ук әти-әнисе;
• икенче чират – үлгән кешенең бертуган абый һәм апалары, бабалары һәм әбиләре;
• өченче чират – абый һәм апалар;
• дүртенче чират – әби-бабайларның әти-әнисе;
• бишенче чират – туганнан туганнарның балалары, шулай ук әби-бабайның бертуган абыйлары һәм апалары;
• алтынчы чират – икетуган оныкларның, шулай ук икетуган абый-энеләрнең, апа-сеңелләрнең, әби-бабайларның нәсел дәвамчылары.
• җиденче чират – үги ул һәм кызлар, үги әти һәм үги ана.
• сигезенче чират – мирас калдырган кешенең законлы мирасчылары арасына кермәгән, әмма аның белән бергә кимендә бер ел яшәгән һәм аның тәрбиясендә булган эшкә сәләтсез кешеләр.