Путин батырларча һәлак булган хәрбиләрнең тол хатыннары белән очрашты
Ватанны саклаучылар көненә багышланган чаралар кысаларында Россия Президенты Владимир Путин батырларча һәлак булган Россия спецназчыларының тол хатыннары белән очрашты. Бу хакта журналистларга дәүләт башлыгының матбугат сәркатибе Дмитрий Песков хәбәр итте, дип яза РИА Новости.
«Владимир Путин Кремльдә Россия Кораллы көчләре хәрби хезмәткәрләренең тол хатыннары белән очрашты», – дип ассызыклады Песков.
Элегрәк Россия Президенты Кремльдә Россия Герое исеменә һәм батырлык орденнарына лаек булган хәрби хезмәткәрләргә бүләкләр тапшырган иде.