Санкт-Петербургта Муса Җәлилнең тууына 120 ел тулуга багышланган күргәзмә ачыла
2026 елның 2 мартында Санкт-Петербург Милләтләр йортында 17.00 сәгатьтә Советлар Союзы Герое Муса Җәлилнең тууына 120 ел тулуга багышланган рәсем сәнгате, графика һәм скульптура күргәзмәсе ачыла. Бу хакта Татарстан Республикасының Санкт-Петербург шәһәре һәм Ленинград өлкәсендәге даими вәкиллеге хәбәр итә.
Күргәзмәне даими вәкиллек, Санкт-Петербург милләтләр йорты, Төньяк-Көнбатыш татар иҗтимагый берләшмәләре, Татарстан Республикасы Рәссамнар берлеге, Санкт-Петербург дәүләт кино һәм телевидение институты, Петербургның Выборг районындагы китапханәләр челтәре оештыра.
«Барлык теләүчеләрне көтеп калабыз. Үзең белән паспорт алып килергә кирәк», – диелә хәбәрдә.