Биектауда түбәдән кар ишелгәннән соң идарәче компания башлыгына административ эш ачканнар

Биектауда күпфатирлы йорт түбәсеннән кар ишелеп төшкәннән соң идарәче компания директорына карата административ эш ачылган. Бу хакта Татарстан прокуратурасы матбугат хезмәте хәбәр итә.

Ведомство мәгълүматларына караганда, кар Сәгъдиев урамындагы йорт түбәсеннән төшкән. Тикшерү нәтиҗәләре нигезендә Биектау районы прокуратурасы «Биектау идарәче компаниясе» ҖЧҖ директорына карата административ хокук бозу турында эш ачкан.

Тикшерү материаллары республика Торак инспекциясенә җибәрелгән.