Әлмәттә машина домкраттан ычкынып киткән һәм машинаны ремонтлаучы ир-атны кысып үтергән

Әлмәттә машина домкраттан ычкынып киткән һәм машинаны ремонтлаучы ир-атны кысып үтергән.

ТР прокуратурасында хәбәр итүләренчә, бүген якынча 14:50 сәгатьтә предприятие хезмәткәре йөк машинасының шинасын алыштырган. Ир-ат кабинага керергә җыенганда, машина домкраттан ычкынып киткән һәм алга таба хәрәкәт итеп, эшчене алгы тәгәрмәч белән бина стенасы арасына китереп кыскан.

Хәзер предприятиенең куркынычсызлык техникасын ни дәрәҗәдә үтәве тикшерелә. Әгәр хокук бозулар табылса, прокуратура эш ачачак.