Татарстанның легендар бодибилдеры Николай Ференец вафат булган
Чаллының танылган бодибилдеры Николай Ференец 61 яшендә вафат булган. Бу хакта спортчының социаль челтәрләреннән билгеле булды.
Ференец 30 елдан артык эш стажы булган шәхси фитнес-тренер иде. Спортчы биографиясенең аеруча якты сәхифәләре арасында «Мистер Вселенная» конкурсында (анда ул финалга чыкты) катнашуын искә алырга мөмкин.
«Николай турындагы якты истәлек аның укучыларының, хезмәттәшләренең һәм бу гаҗәеп кешене күреп белүчеләрнең барысының да күңелләрендә мәңге калачак. Аның мирасы - медальләр һәм ярышларның нәтиҗәләре генә түгел, ә спортчының остазлыгы ярдәмендә яхшы якка үзгәртелгән йөзләгән кеше гомере», – дип яза социаль челтәрләрдә бодибилдерның бер укучысы.