Татарстанда «Честный знак» системасында халыктан мөрәҗәгатьләр ун тапкыр арткан
Татарстанда «Честный знак» системасында халыктан килгән мөрәҗәгатьләр 2023 елдан алып ун тапкыр арткан.
Кулланучыларның хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе җитәкчесе урынбасары Юлия Булатова бүген «Татар-информ» мәгълүмат агентлыгында узган матбугат очрашуында шул хакта хәбәр итте.
Аның сүзләренчә, республикада «Честный знак» системасыннан файдаланучыларны күбесенчә никотинлы продукция, сөт товарлары, аяк киеме, су сыйфаты кызыксындырган.
«Без барлык мөрәҗәгатьләрне карап барабыз. Узган елда 619 мөрәҗәгать тикшерелде. Алар буенча чаралар күрелде», – диде Юлия Булатова.