Татарстан чаңгычылары Комида кышкы спартакиада эстафетасында җиңү яулады

Татарстан Республикасы командасы чаңгы ярышлары буенча XIII Кышкы спартакиадада эстафетада җиңү яулады. Ярышлар бүген Коми Республикасының Выльгорт авылында узды.

Ярышларның йомгаклау көнендә спортчылар 4×3 һәм 4×5 км эстафетасында көч сынаштылар.яшүсмерләр арасында Ярослав Балуев, Андрей Ошев, Кирилл Андреев һәм Тимур Шакирҗановтан торган Татарстан җыелма командасы җиңү яулады. Команда 48 минут 57,9 секунд нәтиҗә күрсәтте.

Удмуртия Республикасы җыелма командасы җиңүчеләрдән 19,3 секундка артта калып, икенче урынны алды. Санкт-Петербург вәкилләре финишка 49,1 секундка артта калып килде.