Прокуратура аэропортларда чикләүләр кертелү сәбәпле пассажирларның хокукы үтәлүен тикшерә
Идел буе транспорт прокуратурасы, Татарстан аэропортларында рейслар тоткарлану сәбәпле, пассажирларның хокуклары үтәлешен контрольдә тота.
Ведомство хезмәткәрләре урында пассажирларга авиация кагыйдәләрендә каралган барлык хезмәтләр күрсәтеләме-юкмы икәнен күзәтә.
«Закон бозулар күзәтелгән очракта пассажирлар +7 (910) 796-59-45 номеры буенча Идел буе транспорт прокуратурасының кизү прокурорына мөрәҗәгать итә ала», – дип белдерделәр ведомствода.
Искәртеп үтәбез, бүген Татарстанда пилотсыз очкыч һөҗүм итү куркынычы режимы игълан ителде, шуның аркасында Казан һәм Түбән Кама аэропортларында рейсларны кабул итү һәм җибәрүгә карата чикләүләр кертелде.