Tojikiston poytaxti Dushanbe shahrida O‘zbekiston prezidenti Shavkat Mirziyoevning 9 mart kuniga belgilangan davlat tashrifiga tayyorgarlik hozirdan boshlangan. Ozod Yevropa/Ozodlik radiosi tojik xizmati muxbiri xabariga ko‘ra, Tojikiston oliygohlari talabalari va maktablarning yuqori sinf o‘quvchilaridan iborat ja’mi 12 ming odam Mirziyoevni kutib olish ssenariysi bo‘yicha repetitsiya qilinmoqda.
