Александр Гейнрихга янги иш топилди

Ўзбекистон миллий терма жамоаси собиқ ҳужумчиси Александр Гейнрих Қозоғистоннинг “Актобе” клуби бошлиғи этиб тайинланди. Бу ҳақда Kazfootball.kz сайти хабарига таяниб Sports.uz нашри маълум қилмоқда.

Гейнрих футболчилик фаолиятини Тошкент вилойитининг “Дўстлик” жамоасида бошлаган. Кейинчалик “Пахтакор”, ЦСКА (Россия), “Торпедо” (Россия), “Сувон Самсунг Блювингс” (Жанубий Корея), “Эмирейтс” (БАА), “Локомотив” (Тошкент), “Ордабаси” (Қозоғистон) ва “Актобе” (Қозоғистон) жамоалари да тўп сурган.

Ўзбекистон терма жамоаси сафида 98 ўйинда иштирок этиб, 31 та гол киритган.

Гейнрих йил аввалида футболчилик фаолиятини якунлаганлигини эълон қилган эди. Шундан сўнг у “Актобе”да селекционер-мураббий ишлаётган эди. Энди эса у жамоа бошлиғи сифатида иш бошлайди.