Йерро: "Россия терма жамоаси – жуда ҳам хавфли рақиб"

Испания терма жамоаси бош мураббийи Фернандо Йерро ЖЧ-2018 1/8 финал Россия термасига қарши ўйин олдидан ўз фикрларини билдириб ўтди.

«Биз Россия терма жамоаси қандай ўйнашини биламиз. Улар қанотлардан ва тўп оширишлардан тез-тез фойдаланишади. Яна шуни ҳам унутмаслик лозимки, улар ўз уй стадионларида ўйнайди.

Испания терма жамоаси футболчилари жуда ҳам ҳаяжонда, улар яхши тайёргарлик кўришди ва плей-офф босқичини сабрсизлик билан кутишмоқда», - дейди Йерро Marca нашрига.

Испания – Россия учрашуви эртага 1 июль куни Москва шаҳридаги «Лужники» стадионида бўлиб ўтади. Бошланиш вақти Тошкент билан соат 19:00.

Манба: www.uff.uz