Россия президенти Владимир Путин газ портлаши оқибатида ҳалокат содир бўлган Челябинск областига фавқулодда учиб келди, дейилади Kun.uz хабарида. Айтилишича, Путин Магнитогорскка фожиа натижасида жабрланганлар ва область раҳбарияти билан учрашади. 31 декабрь куни эрталаб соат 4 да Магнитогорскда маиший газ портлаши оқибатида ўн қаватли уйнинг подъездларидан бири қулаб тушган. ФВВнинг сўнгги хабарига кўра, портлаш натижасида тўрт киши ҳалок бўлган, беш киши касалхонага ётқизилган, 35 кишининг тақдири номаълум.
