Фото: Видеодан кадр Самарқанддаги маҳаллаларнинг бирида қурилган кўп қаватли бино тасвирлари ижтимоий тармоқларда тарқалиб муҳокамаларга сабаб бўлганди. Қурилиш вазирлиги бино қурилишга рухсат берувчи шаҳарсозлик ҳужжатлари расмийлаштирилмасдан амалга оширилганини маълум қилди. Қайд этилишича, ушбу бино Самарқанд вилояти Самарқанд тумани «Жойи сой» маҳалласида жойлашган бўлиб, фуқаро Ф.Х. ўз уйининг бир қисмини бузиб, жойидан 21,4х12,6 метр ўлчамдаги 11 қаватли, 2 қават ертўлали меҳмонхона қурган. Ушбу бино белгиланган тартибда шаҳарсозлик кенгашидан ўтмаган. Қурилишга рухсат берувчи Самарқанд тумани ҳокимининг қарори ёки туман қурилиш бўлимининг рухсатномаси, архитектура режалаштириш топшириғи мавжуд эмас. Бундан ташқари, меҳмонхона мажмуаси объекти бош режасини натурага кўчириш далолатномаси расмийлаштирилмаган. Муҳандислик геологияси, лойиҳа-смета ҳужжатлари тўлиқ ишлаб чиқилмаган ҳамда тасдиқланмаган. Қурилиш объектида фойдаланилган қурилиш материалларининг талабларга мувофиқлиги тўғрисидаги паспорт ва сертификатлари тақдим этилмаган. Юқоридаги камчиликлар мавжуд бўлса-да, қурилишга рухсат берувчи бошланғич шаҳарсозлик ҳужжатлари расмийлаштирилмаган ҳолда қурилиш-монтаж ишлари конструкциялар битгандан сўнг «Констант проект» МЧЖ томонидан лойиҳа ҳужжатлари тўлиқсиз ишлаб чиқилган. Қурилиш давомида ҳудудий инспекция ходимлари томонидан бир неча бор қурилишни тўхтатиш бўйича кўрсатмалар берилган бўлса-да, уни ўзбошимчалик билан давом эттирилган. Меҳмонхона қурилиши объекти бўйича махсус лицензияга эга «СВП Маскан» МЧЖ мутахассислари томонидан 2016 йилда бинонинг техник ҳолати ўрганилиб, ригел ва темир бетон рамаларни кучайтириш учун лойиҳа ҳужжатлари ишлаб чиқиш бўйича хулоса берилган. Ушбу кучайтириш бўйича тегишли лойиҳа ишлаб чиқилмаган ва экспертиза органларининг ижобий хулосаси олинмаган. «Ўзоғирсаноатлойиҳа» АЖ ва ҳудудий инспекция ходимлари томонидан 2022 йил 6 май куни бинонинг сейсмик ҳолати ўрганиб чиқилиб, «Ўзоғирсаноатлойиҳа» АЖнинг хулосасига асосан бинонинг КМК, ШНК талабларига жавоб бермаслиги ва колонналарнинг айрим жойлари дарз кетгани ўз тасдиғини топган ҳамда бинони бузиш бўйича хулоса берилган.
За один день работники Уссурийского ЛРЗ и их дети выполнили сменно-суточное задание по ремонту 129 паровозиков
Филиал № 4 ОСФР по Москве и Московской области информирует:
С начала года более 4,7 тысячи жителей Московского региона оформили страховую пенсию в автоматическом режиме на портале госуслуг
"Святой Ленин" спасает мир и возглавляет "восстание ИИ машин... хороших по существу". 8 серия, СЕРЬЁЗНЫЕ НОВОСТИ.
В Подмосковье сотрудники Росгвардии спасли пожилого мужчину, который оказался один дома и плохо себя почувствовал
Филиал № 4 ОСФР по Москве и Московской области информирует:
С начала года более 4,7 тысячи жителей Московского региона оформили страховую пенсию в автоматическом режиме на портале госуслуг
За один день работники Уссурийского ЛРЗ и их дети выполнили сменно-суточное задание по ремонту 129 паровозиков
Источник 360.ru: подозреваемый в убийстве на западе Москвы мечтал о революции
Сергей Безруков назвал место силы в Нижнем Новгороде