Бензин ўрнига 50 та «зажигалка» ёрдамида ҳаракатланаётган «Жигули» (видео) — Бизга қўшилинг: ???? https://t.me/joinchat/AAAAADwt0NGCRoONT4f1_Q

YouTube’даги «Гараж-54» канали блогерлари навбатдаги ноодатий тажрибаси тасвирланган видеороликни эълон қилди. Ишқибозлар «Жигули» автомобили 50 та ёндиргичнинг («зажигалка») гази ёрдамида белгиланган манзилга етиб бора олиш-олмаслигини текширишга қарор қилди. Синов учун муҳандислар автомобилнинг техник узелини модернизация қилган. Тажрибани ўтказиш учун блогерлар моторга махсус майдонча ўрнатиб, унинг ичига 50 та «зажигалка»ни қотирган. Конструкциянинг юқори қисмида ёндиргичларни ўт олдиришга қодир ричаг пайдо бўлган. Шу орқали автомобиль ишқибозлари двигателга газни узатишни режалаштирган. Блогерлар биринчи уринишдаёқ агрегатни ўт олдиришга муваффақ бўлган, бироқ мотор тезда ўчиб қолган. Навбатдаги бир нечта уринишдан сўнг, керакли натижага эришилган. Конструкцияни кўздан кечирган мутахассислар «зажигалка»ларнинг ҳаммасидан ҳам газ ажралмаганини аниқлаган. Конфигурацияни ўзгартирган блогерлар двигателни ўт олдирган ва автомобиль барибир ҳаракатланган. Ролик муаллифи гараждан чиқиб, бир неча метр ҳаракатланганидан сўнг, мотор бутунлай ўчиб қолган. Учинчи уринишдан кейин блогерлар барча «зажигалка»ларни текшириб чиқиб, конструкцияни яна моторга қотирган. Бу сафар «Жигули» ҳеч қандай муаммосиз 60 метр юрган.