Coca Cola Суперлигасининг 23-туридан ўрин олган "Насаф" - "Бунёдкор" (1:1) учрашувидан сўнг меҳмонлар бош мураббийи Иван Бошкович фикрлари билан ўртоқлашди. Ўйин ҳақида - Биринчи ўринда "Насаф"ни ва ўз футболчиларимни яхши ўйин кўрсатишгани билан табриклайман. Қийин баҳс ўтказдик. Рақибда вазиятлар кўп бўлди. Лекин фойдалана олмади. Футболчиларим берилган кўрсатмаларни тўғри бажаришди. "Насаф"нинг индивидуал жиҳатдан кучли ижрочиларини ўз вақтида ёпишди. "Насаф"га чемпион бўлишини тилаб қоламан. Ўйиндаги ҳиссиётларни унутамиз. Профессионаллик йўқолмаслиги керак. - 2011 йил "Насаф"да ўйнагансиз. Ўша вақтдаги жамоа билан бугунги жамоани таққослай оласизми? - "Насаф" доим яхши даражани ушлаб қолган. Ёш футболчилар етишиб чиқяпти. Академия яхши йўлга қўйилган. Қолган жамоаларга рақобатлаша оляпти. Менимча чемпионликни қўлга киритадиган палла келди. - Дарвоза чизиғи устидан тўпни қўл билан қайтарган футболчи учун бу охирги чорамиди? - Нима ҳам дейиш мумкин? У жамоаси ютқазмаслиги учун ҳамма нарсани қилди. Барча футболчилар ҳаракат қилди. - "Насаф" сизни ҳурмат қилади. Мухлислари ҳам кўп. Академиямиз фаолияти йўлга қўйилган. Қизиқ, "Бунёдкор"га қандай келиб қолдингиз? - Мен ўйнаган жамоаларимда яхши ном қолдиришга интилганман. "Насаф"да ишлаш хоҳиши йўқ эмасди. Лекин биринчи бўлиб "Бунёдкор"дан таклиф тушди. Ҳаёт шундай. Ўзбекистондаги дўстларим билан алоқалар сақланиб қолинган. Академияда мураббийлик фаолиятимни бошладим. - "Бунёдкор"нинг келажаги қандай бўлади? - Бу мавсум жуда қийин бўлди. Жамоа ўз ўрнини янада яхшилаш ва Про лигага тушиб кетмаслиги керак. Олдимга қўйилган вазифа ҳам шундай. Олдиндаги 3та ўйинда максимал очко тўплашимиз зарур. "Бунёдкор" аввалги ўринларига қайтиши керак. Кейинги мавсум яна гаплашамиз. Раҳбариятнинг режалари қандай? Асосий жамоада қоламанми ёки академияда, билмадим. - Сизнингча бу йил ким чемпион бўлади? - Мавсум охиригача бу аниқ бўлмаса керак. Чунки жамоалар даражаси тенглашган. Бу ўзбек футболи учун яхши. Аввал битта ёки иккита жамоа чемпионлик учун курашган. Чемпионлик йўлида бир нечта жамоалар рақобатлашгани маъқул. - Ўзбекистон кубоги финалида қайси жамоа ғалаба қозонади? - Тўғриси менга "Насаф"нинг қандай ўйнаши ёқади. Тўп назорати, тезкор ҳужумлар ва ҳоказо. "Насаф"га кубокни ютишини тилаб қоламан. Аммо "Навбаҳор" ҳам кучли жамоа. Бундай учрашувларда кичкина элемент ҳам кўп нарсани ҳал қилади. Кубок финалида аниқ бир фаворит йўқ.
Массовыми патриотическими акциями отметили День России на заводах АО "Желдорреммаш"
Уссурийский ЛРЗ подтвердил соответствие международным стандартам, применяемым на производстве железнодорожной промышленности
Филиал № 4 ОСФР по Москве и Московской области информирует:
Свыше 5,2 миллиона жителей Московского региона получают набор социальных услуг в натуральном виде
Владимир Путин, Дмитрий Медведев, Анатолий Голод: ПРИЗНАНИЕ НАТО НАДО ПРИМЕНЯТЬ!
Ресурсный центр на V Общероссийской конференции «Устойчивое развитие этнокультурного сектора» объединил национально-культурные инициативы из разных регионов России
В Бурятском театре оперы и балета прошел концерт Союза композиторов Бурятии
Автопробег в честь Дня России прошел в Ленинском округе
Массовыми патриотическими акциями отметили День России на заводах АО "Желдорреммаш"
