"Насаф" таркибида бир неча йилдан бери барқарор тўп тепиб келаётган легионер Марко Станоевичдир. Футболчи бу мавсумда ҳам жамоасининг муваффақиятларига муносиб ҳисса қўшишга ҳаракат қилди. Айрим паллаларда унга омад етишмагани ҳам бор гап. Марко билан мавсум якунлари, мундиал ва бошқа мавзуларда суҳбатлашдик. - Дастлаб Жаҳон чемпионати учрашувларига тўхталсак. Кечаги баҳсларни томоша қилдингизми? - Албатта. Мундиалдаги ўйинларни диққат билан кузатиб бормоқдаман. Мусобақанинг барча фаворитлари бу босқичга етиб келди. Франция, Англия, Аргентина ўз ўйинларида ғалаба қозонди. Французлар дастлабки учрашувларданоқ яхши ўйнаб келяпти. Чемпионлик учун фаворитлардан бири. Англия эса ҳайрон қолдирмади. Фикримча, уларда чемпионликни қўлга киритиш учун имконият йўқ. - Турнирда нима кўпроқ эътиборингизни тортяпти? - Сюрпиризлар кўп бўляпти. Осиё клублари кутилмаган натижа кўрсатишда анча етакчи. Япония ва Кореяни гуруҳ босқичининг кашфиётлари, деб бемалол айтиш мумкин. Германиянинг эрта хайрлашиши эса албатта уларга алам қилгани табиий. Аммо бу - футбол. - Борган сари жамоалар сараланиб бормоқда. Ким узоқроққа боради? - Аргентина ва Франциянинг кўрсатаётган ўйинлари янада олдинга қараб силжишига сабаб бўлиши мумкин. Ўйин томонлама улар Англия ва Нидерландиядан кучли. - "Насаф" билан учинчи мавсумингиздан қандай хотиралар қолди? Умумий поёнига етиб бораётган йил ҳақида... - Мавсум узоқ ва қийин, шунга яраша қизиқарли ҳам ўтди. Афсуски, чемпионликни қўлга кирита олмадик. Бироқ кубокни қўлга киритдик, ОЧЛда гуруҳдан чиқдик. Буларни йил учун кам ютуқ демасдим. Чемпионликка муносиб эдик, дея оламан. Сўнгги икки турда омад биздан юз ўгирди. - Кейинги режаларингиз билан ўртоқлашсангиз? - "Динамо"га қарши учрашувда тиззамдан жароҳат олгандим. Жарроҳлик амалиётини ўтказдим. Ҳозир эса тикланиш жараёнига киришганман. Режам тезроқ сафга қайтиш ва "Насафга ёрдам бериш. - Демак янги мавсумда ҳам сизни "аждарлар" таркибида кўрамиз? - Худога шукурки, таклифлар доим бўлган. Бу одамни хурсанд қилади. Лекин мен "Насаф"да бахтлиман. Умид қиламанки, Қаршида қоламан ва фаолиятимни давом эттираман. - Драган Черан билан бирга тушган суратингизни изоҳлай оласизми? - Черан менга акадек. У жарроҳлик амалиётидан сўнг мени шифохонадан олиб чиқишга кўмаклашди. Iskandarov Abdulaziz
США и Европа "подготавливают" Россию и Ближний Восток для переселений?!
Ежегодная церемония вручения Всероссийской премии Евгения Зубова прошла в библиотеке Видного
Филиал № 4 ОСФР по Москве и Московской области информирует:
С начала года более 4,7 тысячи жителей Московского региона оформили страховую пенсию в автоматическом режиме на портале госуслуг
В Подмосковье сотрудники Росгвардии спасли пожилого мужчину, который оказался один дома и плохо себя почувствовал
Военные следователи провели рейд по бывшим мигрантам в Керчи
Филиал № 4 ОСФР по Москве и Московской области информирует:
С начала года более 4,7 тысячи жителей Московского региона оформили страховую пенсию в автоматическом режиме на портале госуслуг
В этом году планируют заключить контракт на реконструкцию еще одного участка трассы Р-23 в Ленобласти
