Туркия президенти Эрдўған минимал пенсияни 3500 лирадан 5500 лирага (293,45 доллар) оширди
Аввалроқ Туркияда пенсия ёши аёллар учун 58, эркаклар учун 60 ёш этиб белгиланган эди. Туркия президенти Ражаб Тоййиб Эрдўған энг кам пенсия ёшини бекор қилди.
Бу 2 миллиондан ортиқ ишчига нафақага чиқиш имконини берди, деб ёзади Ҳуррият газетаси.
Нашрнинг қайд этишича, Туркия аҳолиси бир неча йилдан буён энг кам пенсия ёшига қарши намойиш қилиб келган. Аввалроқ пенсия ёши аёллар учун 58 ёш, эркаклар учун 60 ёш этиб белгиланган эди.
Ўтган ҳафтада Эрдўғон назоратидаги ҳукмрон Адолат ва тараққиёт партияси инфляцияни барқарорлаштириш, лира курсини сақлаб қолиш ва аҳолининг умумий турмуш даражасини яхшилаш кампанияси доирасида энг кам иш ҳақини сезиларли даражада оширди. 2023 йилдан Туркияда энг кам иш ҳақи ойига 8500 лирага кўтарилиши керак. 2022 йилда энг кам иш ҳақи 4253 лирани ташкил этди.
“Ўрганишларимиз натижасида биз давлат хизматчиларининг иш ҳақи ва пенсияларини 30 фоизгача ошириш имкониятини топдик”, — деди президент парламентда сўзлаган нутқида.
Давлат секторидаги нафақахўрлар учун энг кам тўлов 2023 йилда 3500 лирадан 5500 лирага (293,45 доллар) ошади, деди у.
Минимал пенсия ёшини бекор қилиш тўғрисидаги қарор Ражаб Тоййиб Эрдўғоннинг Туркияда 2023 йил 18 июнь куни бўлиб ўтадиган президентлик ва парламент сайловларига тайёргарлик кўришининг бир қисми бўлиши мумкинлиги таҳмин қилинмоқда.