Элдор Шомуродов “Эмполи”га қарши ўтказилган сафар учрашувида майдонда тўлиқ ҳаракат қилди. Аслида легионеримиз Италия чемпионатида 90 дақиқа ўйнамаганига анча бўлган эди. Учрашув “Специя” учун муваффақиятли бошланган бўлса-да, лигурияликлар икки тўп фарқи билан олдинда борган беллашувда ғалабани қўлдан чиқарди. Муросасиз ўтган баҳс 2:2 ҳисобидаги дуранг билан якунланди. Ўйиндан кейин “Специя” бош мураббийи Лука Готти учрашув ҳақида ўз фикрларини билдирди. - Мен А Серияни жуда яхши биламан ва олдинда бораётганимизда ўйин тугади, деган фикр хаёлимга ҳам келмаган. Биринчи бўлимда биз икки тўп фарқи билан олдинда бораётган эдик ва майдонда битта кўп ўйинчимиз бор эди. Асосий эътиборни устунликни ушлаб қолиш ва “Эмполи” дарвозасига учинчи тўпни киритишга қаратдик. Иккинчи бўлим бошида майдондаги футболчилар сони тенглашди. Унгача, “Эмполи” бизга имкониятни бой бераётган эди. Четлатиш таъсирида ўйин ўзгариб кетди. А Сериянинг ўзига хос хусусиятлари бор. Айрим вазиятларни ушлаб қолиш учун кўпроқ таҳлил қилишга тўғри келади. Бизнинг муаммомиз ҳамма ўйинчилардан ҳам фойдалана олмаётганимизда. Бу ҳолат тезроқ тугайди, деб умид қиламиз. Гьяссини Хольмга алмаштиришимизнинг аҳамияти катта эди. Швед футболчиси ҳали ўзининг устунлиги бўлган спринтларни амалга ошириш учун тўлиқ тайёр эмас. Уни учинчи голни уриш учун туширдик. Лекин Хольм учрашувга киришиб кета олмади. Ўзини етарли даражада яхши ҳис қилмади. Мен Хольмнинг имкониятларидан кенгроқ фойдаланишни кўзлаган эдим. Якуний зарбани бериш учун айнан уни танлагандим. Элдор Шомуродов анчадан бери энди 90 дақиқ ўйнаганига қарамай, охиригача курашди. Шомуродов олдинга қараб яна бир қадам ташлади. Элдор жамоага қай даражада ёрдам беришга қодирлигини ҳамма тушиниб етди. Бугунги ўйин бу йўналишдаги яна бир муҳим қадам бўлди. Агар бошқача бўлганида, мен уни 90 дақиқа ўйнатмас эдим. Учрашувнинг бурилиш нуқтаси Сальваторе Эспозитонинг четлатилиши бўлди. У бир неча дақиқа ичида икки марта огоҳлантириш олди. 2:2 ҳисобига афсус билан муносабат билдиряпмиз. Ҳакам икки бўлимни турлича бошқаргани нормал ҳолат эмас. Ҳар доим бўлажак беллашувга пухта тайёрланамиз, лекин натижа турлича бўлади. Бу гал Верденинг ҳаракатлари бизни 2:0 ҳисобида олдинга олиб чиқди. Кейин ўйин йўналишини ўзгартириб юборган ҳолатлар рўй берди, - деди Лука Готти. “Специя” сафарда бир очкони қўлга киритганига қарамай, мусобақа жадвалида 17-поғонада қолди. Лука Готти шогирдлари навбатдаги учрашувни 19 февраль куни ўз майдонида жиддий рақиб – “Ювентус”га қарши ўтказади.
23 МАЯ РОССИЙСКАЯ МЕЖДУНАРОДНАЯ АКАДЕМИЯ ТУРИЗМА ОТМЕТИЛА СВОЙ 55-Й ДЕНЬ РОЖДЕНИЯ. ФОТОРЕПОРТАЖ
Театрально-кукольные вести из Бурятского театра "Ульгэр": Россия, Культура, Театр, Дети - Серебряные звездочки засветились в буддийском дацане в Иволге
Исполнитель хита “На Заре 2020” Сергей АРУТЮНОВ оживил ещё один хит из 20-го века и выпустил песню “Лететь” вместе с её создателями - группой Амега.
Эксперт по семейному капиталу Светлана Петрова: «Мой путь предпринимателя был прямой, как стрела»
Bungie wins a little walkin' around money in first of its kind jury trial against Destiny 2 cheat maker, but the victory will likely make it even easier for game companies to keep taking cheaters to court
'Y'all killed it': Survive the Undead, a community-made PvE zombie mode, is bringing players back to Halo Infinite
Microsoft reckons its new Prism x86 emulation for Arm PCs is as good as Apple's Rosetta
