Гонконг ҳукумати чекувчилар билан курашишнинг ғалати усулини таклиф қилди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Чекишга қарши янги чора-тадбирларга тайёрланаётган Гонконг соғлиқни сақлаш вазири Ло Чунг Мау аҳолига тақиқланган жойларда чекувчиларга қарши курашга қўшилишнинг ноодатий усулини таклиф қилди, деб ёзди BBC.
Амалдаги қоидалар ресторанларда, иш жойларида, ёпиқ жамоат жойларида ва баъзи очиқ жамоат жойларида чекишни тақиқлайди. Аммо фуқаролар тақиққа қарамай, ҳамма жойда чекишда давом этмоқда ва полиция уларнинг барчасини назорат қила олмаяпти. Шу сабабли расмийлар жамоатчиликнинг чекишга қарши курашдаги ролини оширишни таклиф қилди.
Ло Чунг Мау таъкидлаганидек, “жамиятда маданият одамлар қонунга бўйсунишга тайёр бўлиши учун керак”.
“Одамларни навбатга туришга мажбур қиладиган қонун йўқ, шундай бўлса-да, барча бунга амал қилади. Бизнинг жамиятимиз шундай маданиятни яратишга қодирки, одамлар бу қоидаларга амал қиладилар — масалан, автобус кутаётганда навбатга туришади. Умид қиламанки, жамият чекмаслик маданиятини шакллантиришга ҳам қодир”, — дейди у.
Вазир фуқароларга қоидабузарларни кўрганда, уларга диққат билан қарашни ва бу билан уларнинг ҳаракатидан норози эканликларини билдириб қўйишни таклиф қилди.
“Жамият вакиллари чекиш тақиқланган жойларда чекаётган одамларни кўрганларида, ҳуқуқ-тартибот идоралари ходимлари келишини кутмасдан чора кўришлари керак: улар чекувчиларга уларнинг ҳаракатини қоралаш маъносида тикилиб қараб туришса кифоя”, — деди Гонконг соғлиқни сақлаш вазири.[/allow-turbo] Дунё Shuhrat Sun, 16 Jul 2023 08:49:09 +0500