Фото: Dunyo Ўзбекистон элчиси Мансур Қиличев Мисрнинг шакар ишлаб чиқарувчи йирик корхоналаридан бири - Nile Sugar ижрочи директори Эмад Фарид билан учрашув ўтказди, деб хабар бермоқда «Дунё». Суҳбат давомида компания томонидан Ўзбекистондаги инвестициявий лойиҳаларга сармоя киритиш, Жиззах вилоятида қанд лавлаги етиштириш ва шакар ишлаб чиқаришнинг тўлиқ цикли лойиҳасини амалга ошириш масалалари муҳокама қилинди. Эмад Фарид Ўзбекистонда қишлоқ хўжалиги соҳаси ривожлангани, ерлар унумдорлиги, сув таъминоти яхшилиги, хусусий фермерларни бирлаштирадиган ягона давлат тизими мавжудлигидан хабардорлигини билдирди. «Ушбу омиллар Nile Sugar компанияси томонидан мамлакатда шакар ишлаб чиқаришни йўлга қўйиш лойиҳасини амалга оширишга туртки бўлмоқда. Компания учун Жиззах вилояти ҳудудида ажратилиши режалаштирилган 52 минг гектар ер майдонида қанд лавлаги етиштириш ва шакар ишлаб чиқаришнинг тўлиқ циклини ўз ичига олган умумий қиймати 500 миллион АҚШ долларига тенг йирик инвестициявий лойиҳани амалга оширишга тайёрмиз», - деди Эмад Фарид. Мисрдаги дипломатик миссия маълумотига кўра, Ўзбекистонда бизнес бошлаш имкониятлари билан танишиш, Жиззах вилоятидаги ерлар унумдорлигини ўрганиш учун 17-21 июль кунлари Nile Sugar компанияси делегацияси бизнес миссия билан мамлакатда бўлиб турибди. Nile Sugar 2006 йилда мисрлик миллиардер Савирислар оиласи томонидан ташкил этилган. Компания қанд лавлаги етиштириш ва шакар ишлаб чиқариш билан шуғулланади. Корхонанинг шакар заводи Искандария портидан 50 километр узоқликда жойлашган бўлиб, 2010 йилда фойдаланишга топширилган.
[allow-turbo]
Фото: Dunyo
Ўзбекистон элчиси Мансур Қиличев Мисрнинг шакар ишлаб чиқарувчи йирик корхоналаридан бири - Nile Sugar ижрочи директори Эмад Фарид билан учрашув ўтказди, деб хабар бермоқда «Дунё».
Суҳбат давомида компания томонидан Ўзбекистондаги инвестициявий лойиҳаларга сармоя киритиш, Жиззах вилоятида қанд лавлаги етиштириш ва шакар ишлаб чиқаришнинг тўлиқ цикли лойиҳасини амалга ошириш масалалари муҳокама қилинди.
Эмад Фарид Ўзбекистонда қишлоқ хўжалиги соҳаси ривожлангани, ерлар унумдорлиги, сув таъминоти яхшилиги, хусусий фермерларни бирлаштирадиган ягона давлат тизими мавжудлигидан хабардорлигини билдирди.
«Ушбу омиллар Nile Sugar компанияси томонидан мамлакатда шакар ишлаб чиқаришни йўлга қўйиш лойиҳасини амалга оширишга туртки бўлмоқда. Компания учун Жиззах вилояти ҳудудида ажратилиши режалаштирилган 52 минг гектар ер майдонида қанд лавлаги етиштириш ва шакар ишлаб чиқаришнинг тўлиқ циклини ўз ичига олган умумий қиймати 500 миллион АҚШ долларига тенг йирик инвестициявий лойиҳани амалга оширишга тайёрмиз», - деди Эмад Фарид.
Мисрдаги дипломатик миссия маълумотига кўра, Ўзбекистонда бизнес бошлаш имкониятлари билан танишиш, Жиззах вилоятидаги ерлар унумдорлигини ўрганиш учун 17-21 июль кунлари Nile Sugar компанияси делегацияси бизнес миссия билан мамлакатда бўлиб турибди.
Nile Sugar 2006 йилда мисрлик миллиардер Савирислар оиласи томонидан ташкил этилган. Компания қанд лавлаги етиштириш ва шакар ишлаб чиқариш билан шуғулланади. Корхонанинг шакар заводи Искандария портидан 50 километр узоқликда жойлашган бўлиб, 2010 йилда фойдаланишга топширилган.
[/allow-turbo]
Иқтисодиёт
Shuhrat
Thu, 20 Jul 2023 12:13:55 +0500
