Хитой уч давлат раҳбарларини “Бир макон, бир йўл” форумига таклиф қилмади — Бизга қўшилинг: ???? https://t.me/joinchat/AAAAADwt0NGCRoONT4f1_Q
Пекин уч давлат раҳбарларини 2023 йил охирида Хитойда бўлиб ўтадиган “Бир макон, бир йўл” саммитига таклиф қилмади. Бу ҳақда Global Times хабар берди.
Тадбирга таклифномаларнинг аксарияти ривожланаётган мамлакатлар раҳбарлари томонидан қабул қилинган.
Ривожланган давлатларнинг раҳбарлари, жумладан, Франция президенти Эммануэл Макрон, Германия канцлери Олаф Шольц ва Италия бош вазири Жоржия Мелонига таклифнома юборилмаган.
“Раҳбарларни таклиф қилиш ёки тегишли ҳамкорлик келишувлари бўладими, Хитой форумнинг кўлами ва миқдори эмас, балки сифати ва самарадорлигини кўзламоқда”, — дейди манба.
Шунингдек, баъзи Ғарб ОАВларининг юқорида тилга олинган Европа етакчилари гўёки форумга боришни режалаштирмаётгани ҳақидаги баёнотлари ҳақиқатга зид экани айтилган.
“Иштирок этишдан қочиш ҳақидаги тахмин шунчаки асоссиз, чунки Хитой уларга таклифнома юбормаган”, — деб таъкидлайди нашр.
Хитойнинг “Бир макон, бир йўл” ташаббуси Осиёни қуруқлик ва денгиз йўллари орқали Африка ва Европа билан боғлаш дастуридир.
У Марказий Осиё, Европа ва Африканинг 60 дан ортиқ мамлакатларини боғлайди. Bloomberg маълумотларига кўра, дастур бутун дунё бўйлаб инфратузилма лойиҳаларини 900 миллиард долларга молиялаштирган.
2023 йил май ойида Италия Пекин билан “Бир макон, бир йўл” лойиҳасидан чиқиш эҳтимоли бўйича музокаралар олиб боришни режалаштираётгани хабар қилинганди.
[/allow-turbo] Дунё Shuhrat Mon, 14 Aug 2023 00:30:26 +0500