Грузия мухолифати россияликларга кўчмас мулк сотишни тақиқлашни талаб қилмоқда
Грузия мухолифати Россия фуқаролари учун виза чекловлари ва россияликларга мамлакатда мулк сотиб олишни тақиқлашни талаб қилмоқда. Мухолифатчилар Грузияда 100 минг россияликнинг мавжудлигини миллий хавфсизликка потенциал таҳдид деб атамоқда, деб хабар беради VoA.
Мухолифатчилар Грузияда Россия фуқаролари Грузия фуқаролари билан бир хил ҳуқуқлардан, ҳеч қандай чекловларсиз фойдаланишини нотўғри деб ҳисоблайди.
Шу муносабат билан, мухолифат 2024 йил охиригача россияликларга кўчмас мулк сотишни тақиқлаш тўғрисидаги қонун лойиҳасини Литвада россияликларга квартиралар сотишни вақтинчалик тақиқлаш моделидан сўнг киритди.
Қайд этилишича, россияликлар Грузиядан нафақат квартираларни, балки қонун билан тақиқланган қишлоқ хўжалиги ерларини ҳам сотиб олишади. Тақиқни четлаб ўтиш учун эрнинг мақсади қишлоқ хўжалигига тегишли бўлмаган жойга ўзгартирилади.