Ижарага олинган 100 та машина қўшни давлатларга сотилгани аниқланди

Ўзбекистон Божхона қўмитаси томонидан маълум қилинишича, мамлакатда рўйхатдан ўтган тахминан 100 та енгил автомобил ижара асосида олиб чиқилиб, қўшни давлатларда сотиб юборилгани аниқланган, деб Uz24 хабар берди.

Хабарга кўра, 6 нафар фуқаро ижарага берувчи компаниялар орқали 110 га яқин транспорт воситаларини давлат чегараси орқали ишончнома асосида олиб чиқиб кетган ва чет элда реализация қилган.

Айни пайтда Божхона қўмитаси тезкор суриштирув ишларини олиб бормоқда ва қўшни давлатлар бойхона хизматлари билан ҳамкорликда ҳолатга ойдинлик киритмоқда.

Қўмита фуқаролардан ишончнома асосида транспорт воситаларини бермаслик ва эҳтиёткор бўлишни сўради.