Криштиану Роналду "Ал-Наср" билан шартномасини узайтирди

Криштиану Роналду “Ал-Наср” клуби билан шартномасини яна узайтирди, деб FootballTransfers хабар берди. Янги келишувга кўра, португалиялик супер юлдуз Саудия Арабистони клубида 2027 йил ёзигача қолади.

“Ал-Наср” вакиллари трансфер янгиликларини расман эълон қилган. Уларга кўра, келишув шартлари тўлиқ келишиб олинган ва ҳужжатлаштирилган. Бу билан клуб ўзининг етакчи футболчисини яна бир мавсумга сақлаб қолди.

Роналду Саудия Арабистони Про-лигасининг энг машҳур ва таъсирли фигураларидан бирига айланган. Унинг шартномаси узайтирилиши “Ал-Наср”нинг маркетинг ва спорт салоҳиятини янада ошириши кутилмоқда.