Токио Фудзи вулқони портлашига AI ёрдамида тайёрланмоқда
Япония пойтахти Токиода расмийлар Фудзи тоғининг мумкин бўлган отилишига қарши тайёргарликни кучайтирди. Бу борада улар сунъий интеллект (AI) ва компьютер симуляцияларидан фойдаланган ҳолда, вулқон портлаши юз бериши мумкин бўлган энг ёмон сценарийни намойиш қилди, деб хабар беради Peopletalk.
Фудзи тоғи 1707 йилдан бери фаол отилмай келмоқда. Шу муносабат билан расмийлар портлашнинг кучи ва таъсирини кўрсатадиган видеоларни тақдим этди. Токиодаги ҳукумат видеосида айтилишича, вулқон “исталган пайтда огоҳлантиришсиз” портлаши мумкин.
Симуляция шуни кўрсатадики, вулқон кулининг тахминан 100 километр (62 миля) узоқликдаги пойтахтни бир неча соат ичида қоплаб, транспорт тизимининг ишлашини тўхтатиши, озиқ-овқат ва электр таъминотини узилиши, шунингдек, узоқ муддатли нафас олиш билан боғлиқ муаммоларни юзага келтириши мумкин.
Видео якунида шундай сўзлар айтилади: “Биз фактларга, кундалик ҳаётимизда фалокатларга қарши чоралар кўришимиз лозим”. Шунингдек, видеода консерва озиқ-овқат ва биринчи ёрдам воситалари билан тўлдирилган оилавий ошхона ҳам кўрсатилган.
Токио ҳукумати ҳозирча Фудзи тоғининг отилиш белгиларини қайд этмаганини таъкидлади: “Симуляция аҳолига аниқ маълумот бериш ва фавқулодда вазиятларда қандай ҳаракат қилиш бўйича тавсиялар бериш мақсадида ишлаб чиқилган”.