Тошкентда Бунёдкор кўчасининг бир қисми вақтинча ёпиладим
Тошкент шаҳридаги Бунёдкор кўчасининг айрим қисми вақтинча ёпилади. Бу ҳақда шаҳар ҳокимлиги расмий равишда маълум қилди.
Шаҳар маъмуриятининг хабар беришича, 24/7 Бунёдкор янги сайр-гастро кўчасида йирик оммавий тадбир ўтказилиши муносабати билан кўчанинг ички дублёри 12 сентябрь соат 07:00 дан 15 сентябрь соат 07:00 гача транспорт воситалари учун муваққат ёпиқ бўлади.
Маълум қилишларича, бу вақт давомида Бунёдкор кўчасининг асосий йўли ҳамда ташқи дублёри эса ҳаракат учун очиқ қолади ва транспорт қатнови одатий тартибда давом этади.
Шаҳар ҳокимлиги аҳоли ва ҳайдовчилардан йўналишларини режалаштиришда мазкур чекловни инобатга олиш ва имконият бўлса муқобил ҳаракат йўналишларидан фойдаланишни сўради. Бу чора тадбирни хавфсиз ва самарали ташкил этишга хизмат қилади.
Ҳозирда шаҳар йўл хизматлари ҳаракатни назорат қилиш ва йўлдаги навбатларни минималлаштириш чораларини кўрмоқда. Шунингдек, кўпчилик ҳайдовчиларга онлайн карталар ва навигация дастурлари орқали альтернатив йўлларни танлаш тавсия этилмоқда.