Awake: Будильникни ўчириш энди осон бўлмайди

"Awake" янги уйғотувчи иловаси фойдаланувчилардан соат сигналини ўчириш учун вазифаларни бажаришни талаб қилади, деб TechCrunch хабар берди.

Илованинг мақсади — оғир ухловчиларни реал фаолликка мажбурлаш. Уйғониш учун фойдаланувчи математика масалалари ечиши, телефонни силкитиш ёки муайян жисмоний ҳаракатларни бажариши керак бўлади.

"Awake" ишлаб чиқарувчилари бу функциялар орқали уйқу ҳолатидан чиқишни осонлаштиришни ният қилган. Иловани шахсийлаштириш имкониятлари ҳам мавжуд — фойдаланувчи қайси турдаги топшириқлар беришини танлай олади.

Илова ҳозирча iOS учун бепул юклаб олиш имконини таклиф қилмоқда. Android версияси яқин ойларда чиқиши режалаштирилган.