Исроил ҳужуми оқибатида Ғазода 11 киши ҳалок бўлди
0
Ғазонинг шимолида Исроил танки автобусни уриши натижасида бир оиланинг 11 аъзоси ҳалок бўлди. Бу ҳақда Ҳамас бошқарувидаги фуқаролик мудофааси маълум қилди. Қурбонлар орасида аёллар ва болалар ҳам бор.
Маълумотларга кўра, Абу Шабан оиласи ўз уйларини кўриш учун қайтаётган пайтда автобус Зайтун туманида нишонга олинган. Бу воқеа ўтган ҳафта эълон қилинган сулҳдан кейинги энг кўп қурбон билан боғлиқ ҳодиса бўлди.
Исроил армияси автобус “шубҳали транспорт воситаси” бўлгани учун ўт очилганини билдирди. Ҳамас бу айбловни рад этиб, тинч аҳолига қарши ҳужум амалга оширилганини айтди.
Ҳозирча воқеа тафсилотлари тўлиқ маълум эмас. Исроил мудофаа вазири чегара ҳудудларини аниқ белгилаш чоралари кўрилаётганини маълум қилди.